ИРЫСТОНЫ ДЗУАРТЫ ЛÆГГАДГАНДЖЫТЫ ÆМÆ КУВÆГЛÆГТЫ ФЫЦЦАГ СЪЕЗД (Ӏ СЪЕЗД СЛУЖИТЕЛЕЙ СВЯТИЛИЩ ОСЕТИИ)

Сидт Ирыстоны адæммæ!

Нæ зынаргь æмбæстæгтæ! Абоны цард ирон адæмы размæ æрæвæрдта стыр домæнтæ. Фидæныл чи хъуыды кæны, уыцы адæймаг хъуамæ, æппæты фыццаг, йæ бинонты хсæн ирондзинад æрфидар кæна!

Фыдæлтыккон моралон кодекс – æгъдау, йæ бынат хъуамæ ссара!

Ма уал барæм лæджы кад æхцайæ, ма уал здахæм нæ фæсивæды мулк мондаг фæндагыл. Чи кæд фехъуыста кадæг мулкæй хъæздыг лæгыл? Уый хыгъд фехъусæн ис , уды хъæдæй хъæздыг адæймæгтыл конд кадджытæ Ирыстоны алы кæмтты дæр.

Нæ рагфыдæлтæ незамантæй фæстæмæ сæ сæйраг хæзнайыл нымадтой Ǽгъдау, Ǽхсар æмæ Иудзинад!

Нæ амондæн, Хуыцау адæймаджы хуызан тагъд нæ кæны , фæзæгъынц, æмæ ма нын кæд чысыл рæстæг радтид раст фæндагмæ раздæхынæн.

Умæн æвдисæн уый дæр у, æмæ нæм зын заманы рарвыста. фыццаг Æгъуызары фырты, уый фæстæ та Битарты В., кæцытæ баурæдтой Ирыстон тæккæ сæрсæфæны былгæрон.

Уый хуымæтæг æгъдауæй нæ уыд, Битары фырт ног разамонджыты къорд Хетæджы къохмæ кæй æрбакодта, сæ архайд уым хуыцау æмæ йæ сконд зæддыл бафæдзæхсынмæ. Уый йæ хорз æмбары, разамонæг Уæларвон хъаруйæ куы нæ тæрса, уæд цыбыр рæстæгмæ Хуыцауы бæсты, хцамæ кувын байдйдзæн. Уымæ гæсгæ дзы курæм, нæ размæ æрбалæуу!

Абон нæ Дзуæрдты æмæ Кувæндæдты лæггадгæнджытæн сæ сæйраг дæр хæсыл мах нымайæм кувæг адæмы хъомылады фарстатæ скарз кæнын, сæ иудзинад фидар кæнын, ирон æгъдауы домæнтæ парахат кæнын, мадæлон æвзаджы хæзнатæ ногæй сырттивын кæнын. Уый у нæ архайды бындур, кæцы нын бабар кодтой нæ адæм Хуыцауы ꞌвзæрстæй. Нæ кувæндæдтæ та хъуамæ  ꞌсуой зонд æмæ æгъдау тауæг бынæттæ, иудзинады фæрнон цæджындзтæ. Æмæ кæд сæ хуыз абон абарæн нæй аргъуантæ æмæ мæзджыдты райдзаст арæстадтимæ, уæддæр мах нæхимæ исæм сæ нывыл цалцæджы фарстатæ дæр.

Рæстæг æмæ уавæр афтæ амонынц, ирон адæмæн райхъал уæвын аггаг у, цæмæй рæстуд разамонæджы фарсмæ ꞌрбалæугæйæ, æмдыхæй сæ фидæны  фæлтæртæн æмзондæй раст фæндаг снысан кæной. Уыцы хъуыддажы нын ныфс дæтты Хуыцауы удтæф æмæ адæмы æууæнк.

Нæ зынаргъ Ирон адæм! Абоны рæстæг нын тарф фынæйæн рæстæг нал дæтты! Уымæ гæсгæ уæм сидæм: æмдыхæй, æмзондæй нæ фидæны фæлтæртæн раст фæндаг бацамонæм!

Нæ кæстæрты Хуыцау æмæ йе сконд Зæдты бафæдзæхсæм, цæмæй амондджын æмæ фæрнæйдзагæй бахъомыл уой!

Абон Дзуары лæггадгæнджытæ æмæ Кувæг лæгты фыццаг æмбырды курæм, цæмæй ацы Сидт ныффидар уа.

Хуыцау æмæ йæ ꞌсконд зæдты фарнæй хайджын уæм!

Æмхъæлæсæй ист æрцыд Дзуары лæггадгæнджыты æмæ кувæг лæгты фыццаг æмбырды зæрдæвæрæны мæй 2017азы Хетæджы Къохы.

Оставьте первый комментарий

Оставить комментарий

Ваш электронный адрес не будет опубликован.


*