Нарты кадджытæ нын цы нæрæмон фыдæлтæ ныууагътой, сæ царды æмбисонды нывтæ нын дæлгоммæ ныхасы фæрцы фыдæй фыртмæ чи фæлæвæрдта, уыдон махæй бирæ хуыздæр зыдтой дунейы сконды сусæгдзинæдтæ. Уыдон бæлвырд æмзонд æмæ æмвынг уыдысты зæдтæ æмæ дауджытимæ. Æмæ уыцы æвæджиауы зонындзинæдтæ уыдон ныффæдзæхстой сæ фæстагæттæн-махæн-сæ алы æгъдæутты, бæрæгбæтты, æмæ уагæвæрдты хуызы. Уыдон тынг хорз зыдтой афæдзы мидæг кæцы сæрмагонд бонты, цæмæй æмæ куыд хъæуы бакувын, цы æмбæлы бацæттæ кæнын, цæмæй бинонты, æмæ æгас æхсæнады цард хорзæй цæуа æмæ бæркадджын уа. Цы фæтчы æмæ цы нæ фæтчы кæнын, цæмæй ма фæрæдийай æмæ Хуыцауæн уарзон уай.
Отправить ответ